Home / உலகம் / ஜேர்மனி /

ஜெர்மனி நிகழ்த்திய கொடுமைகளுக்கு 30 பில்லியன் அமெரிக்க டாலர்கள் இழப்பீடு கேட்கும் நமீபியா!

Posted On : March 20, 2017

ஆப்ரிக்க நாடான நமீபியா, ஜெர்மனியின் காலனித்துவ ஆட்சியில் இருந்தபோது நிகழ்த்தப்பட்ட கொடுமைகளுக்கு, 30 பில்லியன் அமெரிக்க டாலர்களை நஷ்ட ஈடாக வழங்க வலியுறுத்தியுள்ளது.

கடந்த 18, 19ம் நூற்றாண்டுகளில் இங்கிலாந்து, ஸ்பெயின், போர்ச்சுக்கல், ஜெர்மனி, இத்தாலி உள்ளிட்ட ஐரோப்பிய நாடுகள் உலகின் இயற்கை வளம் நிரம்பிய ஆப்ரிக்க, ஆசிய நாடுகளை அடிமைப்படுத்தி, கொடுங்கோல் ஆட்சி நடத்தின. இதில், ஜெர்மனி நாடு, ஆப்ரிக்காவில் உள்ள நமீபியா போன்ற சில நாடுகளைக் கைப்பற்றி நிர்வகித்து வந்தது.
அந்த நாடுகளில் உள்ள தங்கம், வைரம் போன்ற கனிம வளங்கள், கச்சா எண்ணெய் உள்ளிட்ட இயற்கை வளங்களை அதிகளவில் ஜெர்மனி சுரண்டியது. 1884ம் ஆண்டு தொடங்கி, 1990 வரையான காலத்தில் மட்டும் ஜெர்மனி, நமீபியாவில் வசிக்கும் ஹெரேரோ, நாமா இன பழங்குடியின மக்களை லட்சக்கணக்கில் கொன்று குவித்ததாகக் கூறப்படுகிறது.

அடிமை வியாபாரம், பாலியல் சுரண்டல், இயற்கை வளம் கொள்ளையடித்தல், ஆட்கள் கடத்தல் உள்ளிட்ட பல்வேறு அடக்குமுறைகளைச் செய்த குற்றத்திற்காக, ஜெர்மனி மீது பன்னாட்டு நீதிமன்றத்தில் தற்போது நமீபியா அரசு வழக்கு தொடர்ந்துள்ளது.

இதற்காக, 30 பில்லியன் அமெரிக்க டாலர்களை ஜெர்மனி இழப்பீடாக வழங்கவேண்டும் எனவும் வலியுறுத்தப்பட்டுள்ளது. ஆனால், 1990ம் ஆண்டு நமீபியாவுக்குச் சுதந்திரம் அளித்தபிறகும் பல்வேறு வளர்ச்சிப் பணிகளுக்காக, 25 பில்லியன் அமெரிக்க டாலர்களை செலவிட்டுள்ளதாகக் கூறியுள்ள ஜெர்மனி அரசு, இழப்பீடு தரப்போவதில்லை என்றும் மறுத்துள்ளது.

Comments

தொடர்புடைய செய்திகள்