Home / பல்சுவை / சமையல் /

ஸ்வீட் கார்ன் சுண்டல் செய்வது எப்படி

Posted On : March 23, 2017

குழந்தைகளுக்கு ஸ்வீன் கார்ன் மிகவும் பிடிக்கும். இன்று வித்தியாசமாக ஸ்வீட் கார்ன் வைத்து சுண்டல் செய்வது எப்படி என்று பார்க்கலாம். இது செய்வது மிகவும் எளிமையானது.

தேவையான பொருட்கள் :

ஸ்வீட் கார்ன் – ஒரு கப்,
பச்சை மிளகாய் – 2,
புதினா, கொத்தமல்லி – சிறிதளவு,
சோம்பு – கால் டீஸ்பூன்,
உப்பு – சுவைக்கு
தேங்காய் துருவல் – 3  டேபிள்ஸ்பூன்,
எண்ணெய், உப்பு  – தேவையான அளவு.

செய்முறை :

* ப.மிளகாய், புதினா, கொத்தமல்லியை பொடியாக நறுக்கி கொள்ளவும்.

* ஸ்வீட் கார்னை சிறிது உப்பு சேர்த்து வேக வைக்கவும்.

* வாணலியில் எண்ணெய் ஊற்றி சூடானதும் சோம்பு, பச்சை மிளகாய் போட்டு தாளித்த பின் வெந்த கார்ன் சேர்த்துக் கிளறவும்.

* பிறகு, நறுக்கிய கொத்தமல்லி, புதினா, தேங்காய் சேர்த்துக் கிளறி இறக்கவும்…

* டேஸ்டி கார்ன் சுண்டல் தயார்.

Comments

தொடர்புடைய செய்திகள்