Home / உலகம் / ஜேர்மனி /

பெர்லினில் 100 கிலோ எடையுள்ள தங்க நாணயம் கொள்ளை

Posted On : March 29, 2017

பெர்லின்: ஜெர்மனி தலைநகர் பெர்லின் நகரில் உள்ள பிரபல அருங்காட்சியகத்தில் பொதுமக்களின் பார்வைக்காக வைக்கப்பட்டிருந்த 100 கிலோ எடையுள்ள தங்க நாணயம் கொள்ளையடிக்கப்பட்டுள்ளது.

இது தொடர்பாக பெர்லின் காவல்துறையினர் தீவிர விசாரணையில் ஈடுபட்டுள்ளனர். கடந்த திங்களன்று காணாமல்போன இந்த தங்க நாணயம் கடந்த 2007ஆம் ஆண்டு கனடா அரசால் வழங்கப்பட்டுள்ளது. இங்கிலாந்து ராணி எலிசபெத்-II படம் பொறிக்கப்பட்டுள்ள நாணயம் 4 மில்லியன் டாலர் (ரூ.3 கோடி) என மதிப்பிடப்பட்டுள்ளது.

பெரிய பனை ஓலை’ என பெயரிடப்பட்டிருந்த நாணயம் சுத்த தங்கத்தால் ஆனதாகும். இது 53 செ.மீ நீளமும், 3 செ.மீ தடிமனும் கொண்ட நாணயம் ‘புல்லட் புரூஃப்’ கண்ணாடி பெட்டிக்குள் பாதுகாப்பாக வைக்கப்பட்டிருந்ததாக அருங்காட்சியக நிர்வாகம் தெரிவித்துள்ளது.

அருங்காட்சியகத்தின் சுவரை உடைத்து தங்க நாணயத்தை கொள்ளையர்கள் கொள்ளையடித்துச் சென்றதாக பெர்லின் காவல்துறை தரப்பில் தெரிவிக்கப்பட்டுள்ளது. கின்னஸ் சாதனை படைத்த நாணயம் காணாமல்போனது தொடர்பாக தீவிர விசாரணை மேற்கொள்ளப்பட்டு வருகிறது.

Comments

தொடர்புடைய செய்திகள்