Home / உலகம் / ஜேர்மனி /

ஜேர்மனியில் அவசரமாக வெளியேற்றப்பட்ட 50,000 மக்கள்: ஏன் தெரியுமா?

Posted On : May 8, 2017

ஜேர்மனியில் இரண்டாம் உலகப்போரில் வீசப்பட்ட வெடிகுண்டுகள் கண்டுபிடிக்கப்பட்டுள்ளதால் சுமார் 50,000 மக்கள் உடனடியாக வீடுகளில் இருந்து வெளியேற்றப்பட்டுள்ளதாக தகவல்கள் வெளியாகியுள்ளன.

Lower Saxon மாகாணத்தில் உள்ள Hanover நகரை சேர்ந்த மக்கள் தான் இன்று காலை முதல் வெளியேற்றப்பட்டு வருகின்றனர்.

இரண்டாம் உலகப்போர் நிகழ்ந்தபோது 1943-ம் ஆண்டு அக்டோபர் 9-ம் திகதி இந்நகர் மீது 2,61,000 வெடிகுண்டுகள் வீசப்பட்டன.

இந்த வெடிகுண்டுகள் வெடித்ததில் 1,245 பேர் பலியாயினர். மேலும், 2,50,000 மக்கள் வீடுகளை இழந்தனர்.

யுத்தம் நடந்து முடிந்து 70 ஆண்டுகள் ஆகியுள்ள நிலையில், ஜேர்மனியில் உள்ள பல்வேறு நகரங்களில் அடிக்கடி வெடிக்காத குண்டுகள் கண்டுபிடிக்கப்படுகின்றன.

இதன் அடிப்படையில், ஹேன்னோவர் நகரில் தற்போது வெடிக்காத நிலையில் 5 வெடிகுண்டுகள் கண்டுபிடிக்கப்பட்டுள்ளன.

மேலும், இதே நகரில் 13 இடங்களில் குண்டுகள் இருக்கலாம் என சந்தேகம் எழுந்துள்ளதால் இன்று காலை முதல் பொதுமக்கள் அவசரமாக வெளியேற்றப்பட்டு வருகின்றனர்.

வெடிகுண்டுகள் பாதுகாப்பான இடங்களுக்கு கொண்டு செல்லப்பட்ட செயலிழக்கப்படும். இந்நடவடிக்கை முடிந்த பிறகு மாலை முதல் வெளியேற்றப்பட்ட மக்கள் மீண்டும் வீடுகளுக்கு செல்ல அனுமதிக்கப்படுவார்கள்.

இதே போன்று கடந்தாண்டு Augsburg நகரில் வெடிக்காத நிலையில் வெடிகுண்டுகள் கண்டுபிடிக்கப்பட்டதால் சுமார் 54,000 பொதுமக்கள் பாதுகாப்பான இடங்களுக்கு மாற்றப்பட்டனர் என்பது குறிப்பிடத்தக்கது.

Comments

தொடர்புடைய செய்திகள்