Home / செய்திகள் / இலங்கைச் செய்திகள் /

இலங்கையை தொடர்ந்து கண்காணிப்போம்! ஐரோப்பிய ஒன்றியம்

Posted On : May 17, 2017

ஜி.எஸ்.பி பிளஸ் வரிச்சலுகை மீண்டும் வழங்கப்படுவதன் மூலம் இலங்கையில் மனித உரிமை மீறல்கள் முற்றாக நிறுத்தப்பட்டுள்ளது என்று கூற முடியாது என ஐரோப்பிய ஒன்றியத்தின் இலங்கைக்கான தூதுவர் டங் லய் மார்கோ தெரிவித்துள்ளார்.

இலங்கையில் தற்போது மனித உரிமைகள் தொடர்பான நிலவரத்தில் முன்னேற்றம் ஏற்பட்டுள்ளதன் காரணமாகவே இந்த சலுகை மீண்டும் வழங்க தீர்மானிக்கப்பட்டதாகவும் அவர் குறிப்பிட்டுள்ளார்.

கொழும்பிலுள்ள ஐரோப்பிய ஒன்றிய தூதரகத்தில் இன்று நடத்திய விசேட ஊடக சந்திப்பின்போதே அவர் மேற்கண்ட விடயங்களை குறிப்பிட்டுள்ளார்.

மனித உரிமைகள் மற்றும் ஜனநாயக உரிமைகளை பாதுகாப்பதற்கு அரசாங்கங்களை ஊக்குவிப்பதற்காகவே ஜி.எஸ்.பி பிளஸ் வரிச்சலுகை வழங்கப்பட்டு வருவதாகவும் அவர் தெரிவித்துள்ளார்.

இலங்கை அரசாங்கம் மேற்கொள்ள வேண்டிய மனித உரிமைகள் சார்ந்த பல விடயங்கள் எஞ்சியுள்ளதாகவும், துன்புறுத்தல்கள், பயங்கரவாத தடை சட்டம் நீக்கப்படுதல் உள்ளிட்ட விடயங்கள் தொடர்பில் இலங்கை இன்னும் அவதானம் செலுத்த வேண்டி இருக்கிறது.

எனினும், தேசிய அரசாங்கம் விரைவில் அதனை சீராக்கும் என்ற நம்பிக்கை இருப்பதாகவும் ஐரோப்பிய ஒன்றிய தூதுவர் கூறியுள்ளார்.

மனித உரிமைகள் விடயத்தில் இலங்கை அரசாங்கம் இன்னும் முன்னேற்றம் காண வேண்டும் என்பதோடு, இலங்கையை ஐரோப்பிய ஒன்றியம் தொடர்ந்தும் கண்காணிக்கும் என்றும் இலங்கைக்கான ஐரோப்பிய ஒன்றிய தூதுவர் டங் லாய் மார்கு குறிப்பிட்டுள்ளார்.

Comments

தொடர்புடைய செய்திகள்