Home / உலகம் / பிரித்தானியா /

லண்டன் தாக்குதலில் 7 பேர் பலி: தீவிரவாதிகளுக்கு உதவிய 7 பெண்கள் கைது

Posted On : June 6, 2017

லண்டன் தாக்குதலில் தீவிரவாதிகளுக்கு உதவிய 7 பெண்கள் கைது செய்யப்பட்டனர்.

இங்கிலாந்து தலைநகர் லண்டனில் நேற்று முன்தினம் தீவிரவாதிகள் வேனை ஏற்றியும், கத்தியால் குத்தியும் தாக்குதல் நடத்தினார்கள். அதில் 7 பேர் பலியாகினர். தாக்குதல் நடத்திய 3 தீவிரவாதிகளை போலீசார் சுட்டுக் கொன்றனர்.

விசாரணையில் அவர்களில் குர்ரம் பட் (23), ரஷீத் ரெடோன் (30) ஆகிய 2 பேர் மட்டும் அடையாளம் தெரிந்தது. இவர்களில் குர்ரம் பட் பாகிஸ்தான் வம்சாவளியைச் சேர்ந்தவன். இங்கிலாந்து குடியுரிமை பெற்றவன். கிழக்கு லண்டனில் பார்க்கிங் பகுதியில் பல ஆண்டுகளாக தங்கியிருந்தான்.

தாக்குதல் தொடர்பாக லண்டன் மெட்ரோ பாலிட்டன் போலீசார் விசாரணை நடத்தி வருகின்றனர். இது வரை 12 பேரை கைது செய்துள்ளனர்.

அவர்களில் 7 பேர் பெண்கள் ஆவர். இவர்கள் தீவிரவாத சட்டத்தில் கைது செய்யப்பட்டுள்ளனர். இவர்கள் தீவிரவாதிகளுக்கு உதவியாக போலீசார் தெரிவித்துள்ளனர். கைது செய்யப்பட்ட பெண்களுக்கு 27 முதல் 60 வயது இருக்கும். 5 ஆண்கள் 27 முதல் 55 வயதினர் ஆவர்.

மேலும் தீவிரவாதிகள் பதுங்கியுள்ளனரா? என்பதை கண்டறிய, கிழக்கு லண்டனில் 4 இடங்களில் போலீசார் சோதனை நடத்தினார்கள்.

Comments

தொடர்புடைய செய்திகள்