Home / செய்திகள் / இந்தியச் செய்திகள் /

காதலை தியாகம் செய்யும் இந்திய பெண்கள்’: சுப்ரீம் கோர்ட்

Posted On : June 19, 2017

நம் நாட்டில், வெற்றி பெறாத காதல் கதைகள், சர்வ சாதாரணம்; பெற்றோர் எடுக்கும் முடிவுக்காக, பல பெண்கள், தங்கள் காதலை தியாகம் செய்கின்றனர்’ என, சுப்ரீம் கோர்ட் கூறி உள்ளது.

ராஜஸ்தானில், 1995ல், 23 வயது பெண், தன் பெற்றோரின் கடும் எதிர்ப்பை அடுத்து, கட்டி முடிக்கப்படாத வீடு ஒன்றில், காதலனுடன் சேர்ந்து தற்கொலை செய்ய முடிவெடுத்தாள். விஷத்தன்மை உடைய, ‘காப்பர் சல்பேட்’ வேதிப் பொருளை இருவரும் உட்கொண்டனர். அதை, அதிகமாக சாப்பிட்ட பெண், வாயில் நுரை தள்ளி கீழே விழுந்தாள். குறைவாக வேதிப்பொருளை சாப்பிட்ட காதலன், உதவிக்கு அருகில் உள்ளவர்களை அழைக்கச் சென்றான். இந்த சந்தர்ப்பத்தில், அந்த பெண், துாக்கிட்டு தற்கொலை செய்து கொண்டதாக தெரிகிறது.

மருத்துவ சிகிச்சையில் உயிர் பிழைத்த காதலன், பெண்ணின் பெற்றோர் அளித்த புகார் அடிப்படையில், கைது செய்யப்பட்டான். அவன் மீது கொலை வழக்கு பதிவு செய்யப்பட்டது. வழக்கை விசாரித்த கீழ் கோர்ட், காதலனுக்கு ஆயுள் தண்டனை விதித்தது. அந்த தீர்ப்பை, ராஜஸ்தான் ஐகோர்ட்டும் உறுதி செய்தது. இதையடுத்து, சுப்ரீம் கோர்ட்டில், காதலன் தரப்பில் மேல் முறையீடு செய்யப்பட்டது.

Comments

தொடர்புடைய செய்திகள்
பிரதான செய்திகள்