Home / உலகம் / பிரித்தானியா /

வெட்டியெடுக்கப்பட்ட கை விரல்கள்: தன்னம்பிக்கை சிறுவனின் இன்றைய வாழ்க்கை

Posted On : August 11, 2017

பிரித்தானியாவில் கொடிய நோய்த்தொற்று காரணமாக சிறுவனுக்கு இரண்டு கை விரல்களும் துண்டிக்கப்பட்ட நிலையில் தற்போது செயற்கை கை பொருத்தப்பட்டு பயிற்சியளிக்கப்பட்டு வருகிறது.

வேல்ஸின் Loughor நகரை சேர்ந்தவர் Hannah Jones (32), இவர் மகன் Alan Gifford (11).

Alan-னுக்கு பிறக்கும் போதே இதயத்தில் கோளாறு இருந்துள்ளது. மூன்று வயதாக இருக்கும் போது கொடிய நோய்த்தொற்று ஏற்பட்டு அவன் கையில் ரத்த ஓட்டம் இல்லாமல் போனது.

Alan-ன் உயிரை காப்பாற்ற மருத்துவர்கள் அவன் இரு கை விரல்களையும் ஆப்ரேஷன் மூலம் அகற்றினார்கள். எல்லா சிறுவர்களை போல தன்னால் எழுத முடியவில்லை, ஸ்பூன்களை வைத்து உணவு சாப்பிடமுடியவில்லை என Alan ஏங்கியுள்ளான்.

Alan-னுக்கு செயற்கை கை விரல்களை பொருத்த முடிவு செய்த மருத்துவர்கள் அதற்கு £60,000 பணம் செலவாகும் என கூறியுள்ளனர்.

பணத்தை Hannah-ம், குடும்ப நண்பர்களும் சேர்ந்து பல்வேறு வகையில் நன்கொடையாக வசூலித்ததன் விளைவாக Alan-னுக்கு தற்போது செயற்கை கை வெற்றிகரமாக பொருத்தப்பட்டுள்ளது.

இனி Alan-வால் வாகனம் ஓட்ட, எழுத, சாப்பிட முடியும் என மருத்துவர்கள் கூறியுள்ளனர், இதற்கான பயிற்சியில் ஈடுபட்டுள்ளான்.

Hannah கூறுகையில், உடல் கோளாறுகளை Alan தன்னம்பிக்கையோடு எதிர்கொள்வதை பார்த்தால் பெருமையாக உள்ளது என கூறியுள்ளார்.

Comments

தொடர்புடைய செய்திகள்