Home / உலகம் / தொழில்நுட்பம் /

இன் ஸ்கிரீன் கைரேகை ஸ்கேனர் கொண்ட முதல் ஸ்மார்ட்போன்

Posted On : December 15, 2017

சினாப்டிக்ஸ் நிறுவனத்துடன் இணைந்து இன் ஸ்கிரீன் கைரேகை ஸ்கேனர் கொண்ட ஸ்மார்ட்போனினை உருவாக்கும் பணிகளை விவோ நிறுவனம் மேற்கொண்டு வருவதாக தகவல் வெளியாகியுள்ளது.

ஸ்மார்ட்போன் டிஸ்ப்ளேவினுள் கைரேகை ஸ்கேனர் வழங்குவதற்கு என ஐந்து ஸ்மார்ட்போன் நிறுவனங்களுடன் பணியாற்றி வருவதாக சினாப்டிக்ஸ் நிறுவனம் அறிவித்திருந்தது. அந்த வகையில் விவோ நிறுவன ஸ்மார்ட்போன்களின் டிஸ்ப்ளேவில் கைரேகை ஸ்கேனர் வழங்குவதற்கு என விவோ நிறுவனம் சினாப்டிக்ஸ் நிறுவனத்துடன் இணைந்து பணியாற்ற இருப்பதாக தகவல்கள் வெளியாகியுள்ளது.

முன்னதாக குவால்காம் நிறுவனத்துடன் இணைந்து இன் டிஸ்ப்ளே கைரேகை ஸ்கேனர் வழங்குவதற்கான பணிகளை மேற்கொள்வதாக தெரிவிக்கப்பட்டிருந்தது. பிரபல ஸ்மார்ட்போன் வல்லுநரான பேட்ரிக் மூர்ஹெட் வெளியிட்ட தகவல்களில் சினாப்டிக்ஸ் இன் டிஸ்ப்ளே கைரேகை ஸ்கேனர் அம்சம் க்ளியர் ஐடி என அழைக்கப்படலாம் என தெரிவித்துள்ளார்.

வேகம் மற்றும் எளிமையாக இருக்கும் புதிய தொழில்நுட்பம் டிஸ்ப்ளேவில் காணப்பட்ட கைரேகை ஸ்கேனர் பட்டனை தொட்டதும் ஸ்மார்ட்போன் அன்லாக் ஆனதாக தெரிவித்துள்ளார். மேலும் இது 3D முக அங்கீகார அம்சங்களை விட வேகமானது என்றும் மிகவும் பாதுகாப்பானது என தெரிவித்துள்ளார்.

இன் டிஸ்ப்ளே கைரேகை ஸ்கேனர்களை ஸ்மார்ட்போன்களில் வழங்குவது தயாரிப்பு சார்ந்த பிரச்சனை காரணமாக இதுவரை வழங்கப்படாமல் இருந்தது. இன் டிஸ்ப்ளே கைரேகை ஸ்கேனர் கொண்ட சுமார் 70 லட்சம் ஸ்மார்ட்போன்கள் 2018-ம் ஆண்டு வாக்கில் வெளியிடப்படலாம் என சினாப்டிக்ஸ் தெரிவித்துள்ளது.

விவோ நிறுவன ப்ரோடோடைப் சாதனத்தில்இன் டிஸ்ப்ளே கைரேகை ஸ்கேனர் அம்சத்தை இந்த ஆண்டு ஜூன் மாதத்தில் நடைபெற்ற சர்வதேச மொபைல் காங்கிரஸ் விழாவில் குவால்காம் நிறுவனம் அறிமுகம் செய்தது. அந்த வகையில் விவோ நிறுவனம் சினாப்டிக்ஸ் நிறுவனத்துடன் இணைந்து புதிய தொழில்நுட்பத்தை வழங்குமா என்பது கேள்வி குறியாகவே உள்ளது.

Comments

தொடர்புடைய செய்திகள்