Home / ஆன்மீகம் /

கிறிஸ்துமஸ் கொண்டாட்டத்தின் மிக உன்னதமான பழக்க வழக்கங்கள்

Posted On : December 23, 2017
கிறிஸ்துமஸ் கொண்டாட்டத்தின் போது நிகழ்த்தப்படும் பாரம்பரிய பழக்கங்கள் மற்றும் நம்பிக்கைகள் ஆச்சரிய மூட்டும் வகையில் உள்ளன. ஏனெனில் பல்வேறு நாடுகளின் வேறுபட்ட கலாசாரத்தின் வடிவங்களாக கிறிஸ்துமஸ் கொண்டாட்டத்தின் பாரம்பரிய பழக்கங்கள் திகழ்கின்றன. அதனால் தான் உலகின் கவனத்தை ஈர்க்கும் விதமாக அந்நிகழ்வுகள் அமைகின்றன. இந்த பாரம்பரிய பழக்க வழக்கங்களை காணவே பலரும் அந்த நாடுகளுக்கு பயணம் மேற்கொள்கின்றனர். கிறிஸ்துமஸ் கொண்டாட்ட நிகழ்வுகளில் அதிமுக்கியமான சில பழக்கங்களை காணலாம்.

பிரமாண்ட மின்விளக்கு திருவிழா :
கிறிஸ்துமஸ் இரவு விருந்துக்கு முந்தைய சனிக்கிழமையில் சான் பெர்னாண்டோ நகரில் மிகப்பெரிய பிரமாண்ட விளக்கு திருவிழா கொண்டாடப்படுகிறது. இது “ பிலிப்பைன்ஸின் கிறிஸ்துமஸ் தலைநகரம்” என்று அழைக்கப்படுகிறது. பதினோரு கிராமங்கள் கலந்து கொண்டு எவை பிரமாண்ட விளக்குகளை தொங்கவிடுகின்றன என்றவாறு போட்டி நடைபெறும். இதனை காண உலகெங்கும் உள்ள மக்கள் கூடுவர். முன்பு அரை மீட்டர் வட்டவடிவிலான காகித விளக்கு கூண்டுகள் அலங்கரிக்கப்பட்டு தொங்கவிடப்படுகின்றன. தற்போது 6 மீட்டர் விட்டம் உள்ள வட்ட வடிவிலான பெரிய காகித விளக்கு கூண்டுகள் அழகுற வண்ண மின் விளக்குகள் பின்னணியில் தொங்கவிடப்படும். அதனை பார்க்கும் போது இனைடாஸ்கோப்பில் விரியும் வண்ண வடிவங்கள் போல் அழகுற இருக்கும்.
பெரிய காவல் ஆடு நிற்க வைப்பது :
ஸ்விடனில் கேவல் கேஸ்டல் ஸ்கொயரில் 13 மீட்டர் உயர கிறிஸ்துமஸ் ஆடு உருவாக்கப்பட்டு நிற்க வைக்கப்படும். இது 1966-ம் ஆண்டு முதல் தொடர்ந்து நடைபெற்று வருகிறது. இதில் மிக முக்கியமான பழக்கமாக இந்த ஆடு எரியவைக்கப்பட்டு கீழே விழச் செய்யப்படும். இதுவரை 29 முறை வெற்றிகரமாக இந்த ஆடு எரிக்கப்பட்டு விழவைக்கப்பட்டுள்ளது.
வீட்டின் விளக்குமாறுகளை ஒளித்து வைத்தல் :
நார்வே மிக பழமையான கிறிஸ்துமஸ் இரவு பழக்கங்களை தன்னகத்தே கொண்டுள்ளது. அதில் ஒன்று தங்கள் வீட்டில் உள்ள விளக்குமாறு (துடைப்பம்)-யை ஒளித்து வைத்து விடுவர். ஏனெனில் கிறிஸ்துமஸ் இரவு அன்று சாத்தான்கள் வெளியே செல்லும் போது அவரின் வீட்டு துடைப்பத்தையும் எடுத்து சென்றுவிடுமாம். எனவே கிறிஸ்துமஸ் ஈவ் அன்று பாதுகாப்பான இடத்தில் தங்கள் வீட்டு விளக்குமாற்றை ஒளித்து வைத்து விடுவர். அப்போது தான் திருடமாட்டார்களாம்.
ரோலர் ஸ்கேட்டிங்கில் செல்வது வழக்கம் :
வெனிசூலாவின் காராகாஸ் நகரில் உள்ள கிறிஸ்தவர்கள் கிறிஸ்துமஸ் இரவு பூஜைக்கு தேவலாயம் செல்வது என்பது ரோலர் ஸ்கேட்டிங்-யில் மட்டுமே. அதற்கென அனைத்து முக்கிய சாலைகளிலும் கார் போன்ற வாகன போக்குவரத்தை தடை செய்து ரோலர் ஸ்கேட்டிங் பயணத்திற்கே திறந்து இருக்கும். அதுபோல் கிறிஸ்துமஸ் இரவு விருந்தில் “டோமல்ஸ்” என்ற கறி உருளை உணவு பரிமாறப்படும்.
சிறு மெழுகுவர்த்தி தினம் :
கொலம்பியாவில் கிறிஸ்துமஸ் தொடங்கியது முதல் நமது வீடு, பொது இடம், நகரம் என அனைத்து இடமும் காகித விளக்கு கூண்டுகள் நடுவே சிறு மெழுகுவர்த்தி ஏற்றி அலங்கரித்து வைப்பர். நகர முழுவதும் வீடுகளின் வாசல் மற்றும் ஜன்னல், பால்கனி என காகித விளக்கு கூண்டில் மெழுகுவர்த்தி எரியும் அழகு கிறிஸ்துமஸ் கொண்டாட்டத்தில் மிக பிரம்மாண்டமாக காட்சி தரும்.

Comments

தொடர்புடைய செய்திகள்