Home / சினிமா / இந்திய சினிமா /

நாளை திரைப்பட வினியோகஸ்தர்கள் சங்க தேர்தல் – மும்முனைப் போட்டி

Posted On : December 23, 2017

சென்னை, காஞ்சீபுரம், திருவள்ளூர் மாவட்ட திரைப்பட வினியோகஸ்தர்கள் சங்க தேர்தல் நாளை (ஞாயிற்றுக்கிழமை) நடக்கிறது.

சென்னை, காஞ்சீபுரம், திருவள்ளூர் மாவட்ட திரைப்பட வினியோகஸ்தர்கள் சங்க தேர்தல் நாளை (ஞாயிற்றுக்கிழமை) நடக்கிறது. இதில் தலைவர் பதவிக்கு டி.ஏ.அருள்பதி, கே.ஈ.ஞானவேல் ராஜா, தேவராஜ் ஆகியோர் போட்டியிடுகின்றனர். அருள்பதி அணியில் துணைத்தலைவர் பதவிக்கு பங்களா சீனிவாசனும், செயலாளர் பதவிக்கு ஜெயகுமாரும், இணை செயலாளர் பதவிக்கு ராஜ கோபாலும், பொருளாளர் பதவிக்கு பாபுராவும் போட்டியிடுகிறார்கள்.

கே.ஈ.ஞானவேல்ராஜா அணியில் துணைத்தலைவர் பதவிக்கு கே.ராஜனும், செயலாளர் பதவிக்கு நேசமணியும், துணை செயலாளர் பதவிக்கு ஸ்ரீராமும், பொருளாளர் பதவிக்கு ‘மெட்டி ஒலி’ அபுபக்கர் சித்திக்கும் போட்டியிடுகின்றனர். மூன்றாவது அணியில் செயலாளர் பதவிக்கு கலைப்புலி சேகரன், துணைத்தலைவர் பதவிக்கு த.சம்பத், இணைச் செயலாளர் பதவிக்கு என்.சந்திரன், பொருளாளர் பதவிக்கு மோகன்ராவ் ஆகியோர் போட்டியிடுகின்றனர்.
ஓட்டுப்பதிவு சென்னை சிந்தாதிரிப்பேட்டை மீரான் சாகிப் தெருவில் உள்ள சங்க அலுவலத்தில் காலை 9 மணிக்கு தொடங்கி மாலை 5 மணிவரை நடக்கிறது. மாலை 6 மணிக்கு ஓட்டுகள் எண்ணப்பட்டு முடிவுகள் அறிவிக்கப்படும்.

Comments

தொடர்புடைய செய்திகள்