Home / உலகம் / தொழில்நுட்பம் /

பி.எஸ்.என்.எல். டீடெல் டி1 பீச்சர்போன்: ரூ.499 விலையில் அறிமுகம்

Posted On : December 27, 2017

இந்தியாவின் முன்னணி டெலிகாம் நிறுவனங்களை தொடர்ந்து பி.எஸ்.என்.எல். நிறுவனமும் மொபைல் போன்களை அறிமுகம் செய்ய துவங்கியுள்ளது.

மற்ற நிறுவனங்களுக்கு போட்டியளிக்கும் விதமாக பி.எஸ்.என்.எல். நிறுவனம் டீடெல் டி1 எனும் பீச்சர்போனினை அறிமுகம் செய்துள்ளது. இந்தியாவில் டீடெல் டி1 பீச்சர்போன் ரூ.499க்கு விற்பனை செய்யப்பட இருக்கிறது. புதிய மொபைல் போனுடன் பி.எஸ்.என்.எல். வாய்ஸ் கால்களும் வழங்கப்படுகிறது.

நாடு முழுக்க விற்பனை செய்யப்பட இருக்கும் டி1 மொபைல் போனுடன் ரூ.153 விலையில் சிறப்பு சலுகைகள் வழங்கப்படுகிறது. மொபைல் போன் கட்டணம் ரூ.349 மற்றும் சிறப்பு திட்டத்திற்கு ரூ.153 சேர்த்தே வசூலிக்கப்படுகிறது. புதிய மொபைல் போன் அறிமுக நிகழ்வில் மத்திய அமைச்சர் மனோஜ் சின்ஹா கலந்து கொண்டார்.

புதிய டி1 மொபைல் போன் வாங்குவோருக்கு ரூ.103 டாக்டைம் சுமார் 365 நாட்கள் வேலிடிட்டியுடன் வழங்கப்படுகிறது. புதிய சலுகையை கொண்டு பி.எஸ்.என்.எல். வாடிக்கையாளர்கள் மற்ற பி.எஸ்.என்.எல். எண்களுக்கு நிமிடத்திற்கு 15 பைசா கட்டணத்தில் அழைப்புகளை மேற்கொள்ள முடியும். மற்ற நெட்வொர்க் அழைப்புகளுக்கு நொடிக்கு 40 பைசா வீதம் கட்டணம் வசூலிக்கப்படுகிறது.

புதிய டி1 மொபைல் போன் உயர் ரக பீச்சர்போன் என்றாலும் மற்ற மொபைல் போன்களுடன் ஒப்பிட முடியாது. டி1 மொபைல்போன் வாங்குவோருக்கு ரூ.499 விலையில் அழைப்புகள்: 686 பி.எஸ்.என்.எல்.-பி.எஸ்.என்.எல். நிமிடங்களும், பி.எஸ்.என்.எல்- மற்ற நெட்வொர்க் எண்களுக்கு 257 நிமிடங்கள் வழங்கப்படுகிறது. டி1 மொபைல் போனுடன் 4ஜி டேட்டா வழங்கப்படவில்லை, பீச்சர்போன் என்பதால் அழைப்புகள் மற்றும் எஸ்.எம்.எஸ். மட்டுமே வழங்கப்படுகிறது.

ரிலையன்ஸ் ஜியோ அறிமுகம் செய்த ஜியோபோன் அன்லிமிட்டெட் அழைப்புகள், அன்லிமிட்டெட் டேட்டா உள்ளிட்டவை மாதம் ரூ.153 விலையில் வழங்கப்படுகிறது. இந்த திட்டத்தில் தினமும் 0.5 ஜிபி அதிவேக டேட்டா, வைபை, இண்டர்நெட் பிரவுசிங் மற்றும் ஜியோ செயலிகளை பயன்படுத்த முடியும். இதில் வாடிக்கையாளர்கள் ரூ.500 முன்பதிவு கட்டணமும், ரூ.1000 செக்யூரிட்டி டெபாசிட் செலுத்த வேண்டும்.

சிறப்பம்சங்களை பொருத்த வரை டி1 மொபைல் போனில் 1.44 இன்ச் மோனோகுரோம் ஸ்கிரீன், கீபேட், சிம் ஸ்லாட், 650 எம்ஏஎச் பேட்டரி, எஃப்.எம். ரேடியோ, ஸ்பீக்கர், டார்ச், போன்புக் மற்றும் வைப்ரேஷன் மோட் வழங்கப்பட்டுள்ளது.

Comments

தொடர்புடைய செய்திகள்