Home / உலகம் / தொழில்நுட்பம் /

அதிரடி மாற்றங்களுடன் தயாராகும் சியோமி ஸ்மார்ட்போன்

Posted On : December 29, 2017

சியோமி நிறுவனத்தின் 2018 Mi ஃபிளாக்ஷிப் ஸ்மார்ட்போனில் வழங்கப்படவுள்ள சிறப்பம்சங்கள் சார்ந்த தகவல்கள் இணையத்தில் கசிந்துள்ளன.

பீஜிங்:

சியோமியின் புதிய ஸ்மார்ட்போன்களில் ஆப்பிள் போன்றே கைரேகை சென்சாருக்கு மாற்றாக முக அங்கீகார வசதியை வழங்குமா அல்லது டிஸ்ப்ளேவில் பொறுத்தப்பட்ட கைரேகை சென்சார் வழங்கப்படுமா என்ற எதிர்பார்ப்பு எழுந்துள்ளது.

இது தொடர்பாக இணையத்தில் வெளியாகியுள்ள தகவல்களில் சீன வலைத்தளம் ஒன்றில் புதிய சியோமி ஸ்மா்ட்போனில் 3D தொழில்நுட்பத்தில் இயங்கும் முக அங்கீகார வசதி வழங்கப்படும் என தெரிவிக்கப்பட்டுள்ளது. மற்றொரு வலைத்தளத்தில் Mi7 ரென்டர் புகைப்படங்களில் ஆன்-ஸ்கிரீன் கைரேகை சென்சார் வழங்கப்படுவதை உணர்த்துவதாக தெரிவிக்கப்பட்டுள்ளது.

பெசல்கள் அற்ற வடிவமைப்பில் ஹோம் பட்டனின் மேல் கைரேகை சென்சார் வழங்கப்படலாம் என தெரிவிக்கப்பட்டுள்ளது. இத்துடன் இந்த ஸ்மார்ட்போனில் டூயல் பிரைமரி கேமரா, டூயல் எல்இடி பிளாஷ் வழங்கப்படலாம் என கூறப்படுகிறது. புதிய சியோமி ஸ்மார்ட்போனில் முக அங்கீகார வசதி மற்றும் கைரேகை சென்சார் வழங்கப்படுவது குறித்து முரணான தகவல்கள் வெளியாகியுள்ளது.

முன்னதாக வெளியான தகவல்களில் சியோமி Mi 7 ஸ்மார்ட்போனின் ஆல்-ஸ்கிரீன டிஸ்ப்ளே வழங்கப்படும் என்றும் இதனை சாம்சங் தயாரிக்கலாம் என கூறப்பட்டது. மேலும் இந்த ஸ்மார்ட்போனில் வயர்லெஸ் சார்ஜிங் வசதி வழங்கப்படலாம் என கூறப்படுகிறது. இத்துடன் குவால்காம் ஸ்னாப்டிராகன் 845 பிராசஸர் மற்றும் 6 ஜிபி ரேம் வழங்கப்படலாம் என கூறப்படுகிறது.

சியோமி Mi 7 ஸ்மார்ட்போன் இந்தியாவில் வெளியிடுவது உறுதி செய்யப்படவில்லை என்ற நிலையில், சீனாவில் Mi 7 ஸ்மார்ட்போன் CNY 2,699 அதாவது இந்தியாவில் ரூ.26,500 என நிர்ணயம் செய்யப்படலாம் என எதிர்பார்க்கப்படுகிறது.

Mi 7 மட்டுமின்றி சியோமி Mi மேக்ஸ் 3 ஸ்மார்ட்போன் சார்ந்த தகவல்களும் இணையத்தில் கசிந்துள்ளன. இந்த ஸ்மார்ட்போனில் 7.0 இன்ச் 18:9 ஆஸ்பெக்ட் ரேஷியோ, 5500 எம்ஏஎச் பேட்டரி, டூயல் கேமரா, ரிவர்ஸ் சார்ஜிங் மற்றும் குவிக் சார்ஜ் 3.0 உள்ளிட்ட அம்சங்கள் வழங்கப்படலாம் என கூறப்படுகிறது.

Comments

தொடர்புடைய செய்திகள்