Home / செய்திகள் / இந்தியச் செய்திகள் /

விருத்தாசலம் அருகே விவசாயி வீட்டில் திருட முயன்ற வாலிபருக்கு பொதுமக்கள் தர்ம அடி

Posted On : December 30, 2017

விருத்தாசலம் அருகே விவசாயி வீட்டில் திருட முயன்ற வாலிபரை பொது மக்கள் பிடித்து தர்மஅடி கொடுத்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

விருத்தாசலம்:

கடலூர் மாவட்டம் விருத்தாசலம் அருகே உள்ள மேலப்பாளையூர் கிராமத்தை சேர்ந்தவர் ரஜினி (வயது35). விவசாயி. இவரது வீட்டுவளாகத்தில் டிராக்டர் மற்றும் கார் நிறுத்தி இருந்தார்.

நேற்றுஇரவு ரஜினி மற்றும் அவரது குடும்பத்தினர் தூங்கி கொண்டிருந்தனர். நள்ளிரவு 2 மணி அளவில் 3 மர்ம வாலிர்கள் ரஜினி வீட்டுக்கு வந்தனர். பின்னர் அவர்கள் அங்கு நின்ற டிராக்டரில் உள்ள பேட்டரிகளை கழற்றி கொண்டிருந்தனர்.

அப்போது வீட்டுமுன்பு சத்தம் கேட்பதை அறிந்த ரஜினி திடீரென்று எழுந்து வந்தார். அப்போது அங்கு 3 வாலிபர்கள் நிற்பதை பார்த்து அதிர்ச்சி அடைந்தார். பின்னர் அவர் அருகில் உள்ளவர்களிடம் வீட்டில் திருடர்கள் நிற்பதை கூறினார்.

உடனே அவர்கள் அனைவரும் தடி, கம்புகளுடன் திரண்டு வந்தனர். பொதுமக்கள் வருவதை பார்த்ததும் அந்த வாலிபர்கள் அங்கிருந்து தப்பிஓடினர். அவர்களை ரஜினி மற்றும் சிலர் துரத்தினர். இதில் 2 வாலிபர்கள் மின்னல் வேகத்தில் ஓடி விவசாய நிலத்தில் குதித்து தப்பிஓடிவிட்டனர்.

ஒரு வாலிபர் மட்டும் அவர்களிடம் சிக்கிக்கொண்டார். உடனே அவர்கள் பிடிபட்ட வாலிபரை சரமாரியாக தாக்கினர். அந்த வாலிபர் வலிதாங்கமுடியாமல் கூச்சல் போட்டுஅலறினார். ஆனாலும் பொதுமக்கள் வாலிபருக்கு தர்மஅடி கொடுத்தனர்.

பின்னர் இதுகுறித்து அவர்கள் கருவேப்பிலங்குறிச்சி போலீசுக்கு தகவல் தெரிவித்தனர். ஆனால்போலீசார் வெகு நேரம் ஆகியும் வரவில்லை. இதனால் பொதுமக்கள் விடிய- விடிய அந்த வாலிபருக்கு காவல் இருந்தனர்.

இன்று காலை 5 மணி அளவில் போலீசார் அங்கு வந்தனர். அவர்களிடம் பிடிபட்ட திருடனை பொதுமக்கள் ஒப்படைத்தனர். பிடிபட்ட வாலிபரிடம் போலீசார் விசாரணை நடத்தியபோது அவனது பெயர் முத்துகுமார் (24) என்பதும், கம்மாபுரத்தை சேர்ந்தவர் என்பது தெரிய வந்தது. தப்பி ஓடிய 2 வாலிபர்களும் கம்மாபுரத்தை சேர்ந்த வேல் முருகன், சந்துரு என்பது தெரிய வந்தது. அவர்களை போலீசார் தேடி வருகிறார்கள்.

விவசாயி வீட்டில் திருட முயன்ற வாலிபரை பொது மக்கள் பிடித்து தர்மஅடி கொடுத்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

Comments

தொடர்புடைய செய்திகள்